Vaibhav Sooryavanshi: ବୈଭବ ସୂର୍ଯ୍ୟବଂଶୀଙ୍କୁ ବିଫଳତା ପାଇଁ ପ୍ରସ୍ତୁତ କର: ବିସିସିଆଇକୁ ପ୍ୟାଡି ଅପ୍ଟନଙ୍କ କଡ଼ା ପରାମର୍ଶ
ନୂଆଦିଲ୍ଲୀ: ଭାରତୀୟ କ୍ରିକେଟର ନୂଆ ତାରକା ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀଙ୍କୁ ନେଇ ପୂର୍ବତନ ମେଣ୍ଟାଲ ଆଣ୍ଡ କଣ୍ଡିସନିଂ କୋଚ୍ ପ୍ୟାଡି ଅପ୍ଟନ ବିସିସିଆଇ (BCCI)କୁ ଏକ ବଡ଼ ପରାମର୍ଶ ଦେଇଛନ୍ତି। ଆଇପିଏଲ୍ ଏବଂ ଅଣ୍ଡର-୧୯ ବିଶ୍ୱକପରେ ଚମତ୍କାର ପ୍ରଦର୍ଶନ କରି ଚର୍ଚ୍ଚାକୁ ଆସିଥିବା ବୈଭବଙ୍କୁ ଆୟରଲ୍ୟାଣ୍ଡ ଏବଂ ଇଂଲଣ୍ଡ ବିପକ୍ଷ ଟି-୨୦ ସିରିଜ୍ ପାଇଁ ଭାରତୀୟ ଦଳରେ ସାମିଲ କରାଯାଇଛି। କିନ୍ତୁ ଏହି ଅଳ୍ପ ବୟସରେ ମିଳିଥିବା ଅପାର ସଫଳତା ଓ ଖ୍ୟାତି ମଧ୍ୟରେ ତାଙ୍କୁ ‘ବିଫଳତା’ ପାଇଁ ପ୍ରସ୍ତୁତ କରିବାକୁ ଅପ୍ଟନ ପରାମର୍ଶ ଦେଇଛନ୍ତି।
ବିଫଳତାକୁ ସାମ୍ନା କରିବା ଶିଖାଅ:
୨୦୧୧ ବିଶ୍ୱକପ୍ ବିଜେତା ଭାରତୀୟ ଦଳର ସପୋର୍ଟ ଷ୍ଟାଫ୍ ରହିଥିବା ପ୍ୟାଡି ଅପ୍ଟନ ଏକ ସାକ୍ଷାତକାରରେ କହିଛନ୍ତି ଯେ, ‘‘ମୁଁ ପ୍ରଥମେ ବୈଭବଙ୍କୁ ବିଫଳତା ପାଇଁ ପ୍ରସ୍ତୁତ କରିବି। ଯଦି ସେ ନିଜର ପ୍ରଥମ ୨-୩ଟି ଇନିଂସରେ ରନ୍ ନ କରିପାରନ୍ତି, ତେବେ ସେହି ସମୟରେ ସେ ନିଜକୁ କିପରି ସମ୍ଭାଳିବେ, ତାହା ଶିଖିବା ଜରୁରୀ। ପ୍ରତ୍ୟେକ ଖେଳାଳିଙ୍କ ଜୀବନରେ ବିଫଳତା ଆସିବା ନିଶ୍ଚିତ।’’
Also Read: ବୈଭବଙ୍କ ବିରୋଧରେ ଆକ୍ସନ ନେବ ବିସିସିଆଇ ! କ’ଣ କହିଲେ ଦେବଜିତ ସାଇକିୟା ?
“ଅତୀତର ଉଦାହରଣ ଦେଇ ଚେତାଇଲେ:
ଅପ୍ଟନ ଆହୁରି କହିଛନ୍ତି ଯେ, ବିଗତ ୫-୬ ବର୍ଷ ମଧ୍ୟରେ ଭାରତରେ ଅନେକ ଯୁବ ସୁପରଷ୍ଟାର୍ ଆଇପିଏଲ୍ ମାଧ୍ୟମରେ ଆସିଛନ୍ତି, ଯାହାଙ୍କୁ ପରବର୍ତ୍ତୀ ସଚିନ, ବିରାଟ କିମ୍ବା ଧୋନୀ ବୋଲି କୁହାଯାଇଥିଲା। କିନ୍ତୁ ସେମାନଙ୍କ ମଧ୍ୟରୁ ଅଧିକାଂଶ ଖେଳାଳି ବାହ୍ୟ ଚାପ ତଥା ଅନ୍ୟାନ୍ୟ କାରଣ ପାଇଁ ସଫଳ ହୋଇପାରିନାହାଁନ୍ତି। ତେଣୁ ବୈଭବଙ୍କୁ ହଠାତ୍ ମିଳିଥିବା ଏହି ପ୍ରସିଦ୍ଧିରୁ ରକ୍ଷା କରିବା ପାଇଁ ତାଙ୍କ ସହ କିଏ କାମ କରୁଛି, ତାହା ଦେଖିବା ପ୍ରଶ୍ନବାଚୀ ସୃଷ୍ଟି କରୁଛି।
ସୂଚନାଯୋଗ୍ୟ ଯେ, ନିକଟରେ ଶ୍ରୀଲଙ୍କାରେ ଚାଲିଥିବା ଇଣ୍ଡିଆ ଏ’ (India A) ସିରିଜର ଏକ ମ୍ୟାଚରେ ବୈଭବ ସୂର୍ଯ୍ୟବଂଶୀ ଜଣେ ଶ୍ରୀଲଙ୍କା ଖେଳାଳିଙ୍କ ସହ ଯୁକ୍ତିତର୍କ ଓ ଠେଲାପେଲା କରି ବିବାଦକୁ ଆସିଥିଲେ, ଯେଉଁଥିପାଇଁ ତାଙ୍କୁ ଦଣ୍ଡିତ ମଧ୍ୟ କରାଯାଇପାରେ।
