ଚୀନ(୨୬।୦୬): ଚୀନର ଏକ କମ୍ପାନୀରେ ବଡ଼ ଧରଣର ଛଟେଇ । ପ୍ରାୟ ୭ ଲକ୍ଷ ଡେଲିଭରି କର୍ମଚାରୀଙ୍କୁ ସ୍ଥାନାନ୍ତର କରିବ ରୋବୋଟ୍ । ଇ-କମର୍ସ କମ୍ପାନୀ JD.comର ପ୍ରତିଷ୍ଠାତା ରିଚାର୍ଡ ଲିଉ APEC ଚାଇନା ସିଇଓ ଫୋରମରେ କହିଥିଲେ ଯେ ଭବିଷ୍ୟତରେ ଡେଲିଭରି କର୍ମଚାରୀଙ୍କ ଆଉ ଆବଶ୍ୟକତା ପଡ଼ିବ ନାହିଁ; ସମସ୍ତ ଡେଲିଭରି ରୋବୋଟ୍ ଦ୍ୱାରା କରାଯିବ ।
କମ୍ପାନୀର ପ୍ରାୟ ୭୦୦,୦୦୦ଡେଲିଭରି ଏବଂ ଫ୍ରଣ୍ଟଲାଇନ୍ କର୍ମଚାରୀ ଏହି ପରିବର୍ତ୍ତନ ଦ୍ୱାରା ପ୍ରଭାବିତ ହୋଇପାରନ୍ତି । JD.com ପୂର୍ବରୁ ଏହାର ଗୋଦାମ, ସର୍ଟିଂ ସେଣ୍ଟର ଏବଂ ଲଜିଷ୍ଟିକ୍ସ ନେଟୱାର୍କରେ ବ୍ୟାପକ ଭାବରେ ସ୍ୱୟଂଚାଳିତକରଣ ବ୍ୟବହାର କରୁଛି । ରିଚାର୍ଡ ଲିଉ କହିଛନ୍ତି ଯେ ତାଙ୍କ କମ୍ପାନୀ AI ଏବଂ ରୋବୋଟିକ୍ସ ଦ୍ୱାରା ପ୍ରଭାବିତ କର୍ମଚାରୀଙ୍କ ପାଇଁ ଏକ ଯୋଜନା ଆରମ୍ଭ କରିଛି। ଏହା ଅଧୀନରେ, ଚୀନର ପ୍ରାୟ ୧୨୦ ଶିକ୍ଷାନୁଷ୍ଠାନ ସହାୟତାରେ, କର୍ମଚାରୀମାନଙ୍କୁ ରୋବୋଟ ମରାମତି, ରକ୍ଷଣାବେକ୍ଷଣ, ମନିଟରିଂ ଏବଂ ବୈଷୟିକ କାର୍ଯ୍ୟ ଭଳି କୌଶଳ ଶିକ୍ଷା ଦିଆଯିବ।
ରୋବର୍ଟ ଦ୍ୱାରା ଅଧିକ କାମ କରାଇବାର ଲକ୍ଷ୍ୟ :
ଚୀନର ପ୍ରଚେଷ୍ଟା ରହିଛି ଯେ କିପରି ଚଳିତ ବର୍ଷ ଶେଷ ସୁଦ୍ଧା ମାନବୀୟ ରୋବର୍ଟ ୧୦୦ରୁ ଅଧିକ ପ୍ରକାରର ବାସ୍ତବ ଜୀବନର କାର୍ଯ୍ୟ କରିବାରେ ସକ୍ଷମ ହୋଇପାରିବ । ଚୀନ୍ର ଶିଳ୍ପ ମନ୍ତ୍ରଣାଳୟ ରାଷ୍ଟ୍ରାୟତ୍ତ ଉଦ୍ୟୋଗଗୁଡ଼ିକୁ ଏହି ରୋବର୍ଟଗୁଡ଼ିକୁ “ଆକ୍ଟିଭ ମୋଡ୍”ରେ ରଖିବା ପାଇଁ ନିର୍ଦ୍ଦେଶ ଦେଇଛି।
ଭାରତରେ AIର ସ୍ଥିତି :
ଭାରତରେ ଡେଲିଭରି ବର୍ତ୍ତମାନ ମାନବ ଶ୍ରମ ଉପରେ ବହୁତ ନିର୍ଭର କରେ। ତଥାପି, ବଡ଼ ପରିମାଣର ଗୋଦାମ, ଇ-କମର୍ସ ଲଜିଷ୍ଟିକ୍ସ, ଉତ୍ପାଦନ ଏବଂ ଗ୍ରାହକ ସେବା ଭଳି କ୍ଷେତ୍ରଗୁଡ଼ିକରେ AI ଏବଂ ସ୍ୱୟଂଚାଳିତକରଣର ବ୍ୟବହାର ଦ୍ରୁତ ଗତିରେ ବୃଦ୍ଧି ପାଉଛି। ବିଶେଷଜ୍ଞଙ୍କ ମତରେ, ରୋବୋଟ୍ ଚାକିରି ନଷ୍ଟ କରିବ ନାହିଁ ବରଂ କାମର ପ୍ରକୃତିକୁ ପରିବର୍ତ୍ତନ କରିବ। ମଣିଷ ରୋବର୍ଟ ମରାମତି, ରକ୍ଷଣାବେକ୍ଷଣ, ତଦାରଖ ଏବଂ ବୈଷୟିକ କାର୍ଯ୍ୟ ଭଳି କାର୍ଯ୍ୟ କରିବ। ରୋବର୍ଟ ଅପରେଟର ଏବଂ ରୋବର୍ଟ ରକ୍ଷଣାବେକ୍ଷଣ ଇଞ୍ଜିନିୟର ଭଳି ନୂତନ ଭୂମିକା ତୁଲାଇପାରେ। ଥିଙ୍କ ଚାଇନାର ଏକ ରିପୋର୍ଟ ଅନୁଯାୟୀ, ଚୀନର ଗିଗ୍ ଅର୍ଥନୀତି ବିଶ୍ୱର ସର୍ବବୃହତ ଅଟେ । ୮୪ ନିୟୁତ ଲୋକ ଡେଲିଭରି ଏବଂ ରାଇଡ୍-ହେଲିଂ ସେବା ଭଳି ପ୍ଲାଟଫର୍ମରେ କାମ କରନ୍ତି। ଅସ୍ଥାୟୀ ନିଯୁକ୍ତି ଉପରେ ନିର୍ଭରଶୀଳ ଜନସଂଖ୍ୟା ୩୨୦ ନିୟୁତ (ପ୍ରାୟ 44%) ରେ ପହଞ୍ଚିଛି।
