Mary Millben: ‘ପିଏମ୍ ମୋଦୀଙ୍କୁ ସାର୍ବଜନୀନ କ୍ଷମା ମାଗନ୍ତୁ ଟ୍ରମ୍ପ, ତେବେ ଯାଇ ସୁଧୁରିବ ସମ୍ପର୍କ’, ଆମେରିକୀୟ ଗାୟିକାଙ୍କ ବଡ଼ ବୟାନ
ନୂଆଦିଲ୍ଲୀ: ଭାରତ-ଆମେରିକା ସମ୍ପର୍କର ଦୃଢ ସମର୍ଥକ ତଥା ଆମେରିକୀୟ ଗାୟିକା ମ୍ୟାରୀ ମିଲବେନ ଏକ ବଡ଼ ବୟାନ ଦେଇଛନ୍ତି । ୫୨ତମ G7 ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ହେବାକୁ ଥିବା ସାକ୍ଷାତକାର ଦୁଇ ଦେଶର ଦ୍ୱିପାକ୍ଷିକ ସମ୍ପର୍କକୁ ଏକ ନୂଆ ଦିଗ ଦେବାର ବଡ଼ ସୁଯୋଗ ବୋଲି ସେ କହିଛନ୍ତି । ସାମ୍ପ୍ରତିକ ପରିସ୍ଥିତିକୁ ନଜରରେ ରଖି ପ୍ରଧାନମନ୍ତ୍ରୀ ମୋଦୀ, ଟ୍ରମ୍ପଙ୍କୁ ଭେଟିବା ପାଇଁ ପ୍ରସ୍ତୁତ ହେବା ତାଙ୍କର ମହାନତା ଓ ଉଦାରତାକୁ ଦର୍ଶାଉଛି ଏବଂ ଏହି ବୈଠକ ଭାରତ ଅପେକ୍ଷା ଆମେରିକା ପାଇଁ ଅଧିକ ଗୁରୁତ୍ୱପୂର୍ଣ୍ଣ ବୋଲି ସେ ପ୍ରକାଶ କରିଛନ୍ତି ।
ମିଲବେନ ଆହୁରି ମଧ୍ୟ କହିଛନ୍ତି ଯେ ରାଷ୍ଟ୍ରପତି ଟ୍ରମ୍ପ ଏହାର ସୁଯୋଗ ନେଇ ଭାରତ ସହ ସମ୍ପର୍କ ସୁଧାରିବା ଉଚିତ । ଏଥିପାଇଁ ସେ ପ୍ରଧାନମନ୍ତ୍ରୀ ମୋଦୀଙ୍କୁ ସାର୍ବଜନୀନ ଭାବେ କ୍ଷମା ମାଗି ଦୁଇ ଦେଶ ମଧ୍ୟରେ ଭରସା ବୃଦ୍ଧି କରିବା ଆବଶ୍ୟକ ।
“Prime Minister @NarendraModi and President Trump are scheduled to meet at the G7 Summit on June 17th. Quite gracious of Prime Minister Modi to agree to a meeting given the state of the U.S.-India relationship. This is not a meeting the PM needs, but it is one @POTUS needs. It… pic.twitter.com/XZahWQAglR
— Mary Millben (@MaryMillben) June 14, 2026
ନିକଟ ଅତୀତରେ ବାଣିଜ୍ୟ, ଭିସା ନୀତି ଏବଂ କେତେକ କୂଟନୈତିକ ବୟାନକୁ ନେଇ ଭାରତ ଓ ଆମେରିକା ମଧ୍ୟରେ ସଂପର୍କ ମଧୁର ନାହିଁ । ଏହାସହ ପଶ୍ଚିମ ଏସିଆରେ ଆମେରିକାର କାର୍ଯ୍ୟାନୁଷ୍ଠାନ ଏବଂ ଭାରତୀୟ ନାଗରିକଙ୍କ ମୃତ୍ୟୁ ଘଟଣା ଦୁଇ ଦେଶର ସମ୍ପର୍କରେ ତିକ୍ତତା ଆଣିଛି । ଜୁନ୍ ୧୭ରେ ହେବାକୁ ଥିବା ଏହି ଦ୍ୱିପାକ୍ଷିକ ବୈଠକରେ ବାଣିଜ୍ୟ, ଯୋଗାଣ ଶୃଙ୍ଖଳା, ଶକ୍ତି ସୁରକ୍ଷା, ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଏବଂ ବିଶ୍ୱ ସୁରକ୍ଷା ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଚର୍ଚ୍ଚା ହେବାର ସମ୍ଭାବନା ରହିଛି । ମ୍ୟାରୀ ମିଲବେନଙ୍କ ମତରେ, ଯଦି ଟ୍ରମ୍ପ ଏହି ସୁଯୋଗର ସଠିକ୍ ଉପଯୋଗ କରନ୍ତି, ତେବେ ଭାରତ ଓ ଆମେରିକା ମଧ୍ୟରେ ସହଯୋଗ ଏବଂ ସମ୍ପର୍କ ପୁଣି ଥରେ ସୁଦୃଢ଼ ହୋଇପାରିବ ।
