Commonwealth Gamesରେ ଇତିହାସ ରଚିଲେ ଅସ୍ମିତା ଦେ’ ଏବଂ ହର୍ଷ ସିଂହ: ଜୁଡୋରେ ଭାରତକୁ ଡବଲ୍ ଗୋଲ୍ଡ
ନୂଆଦିଲ୍ଲୀ: ଗ୍ଲାସଗୋ (Glasgow) ଠାରେ ଚାଲିଥିବା ରାଜ୍ୟଗୋଷ୍ଠୀ କ୍ରୀଡା (Commonwealth Games) ରେ ଭାରତୀୟ ଜୁଡୋକା ଅସ୍ମିତା ଦେ’ ଐତିହାସିକ ସଫଳତା ହାସଲ କରିଛନ୍ତି। ଜୁଡୋ ଖେଳରେ ଭାରତ ପାଇଁ ପ୍ରଥମ ସ୍ୱର୍ଣ୍ଣ ପଦକ ଜିତି ସେ ଇତିହାସ ରଚିଛନ୍ତି। ମହିଳା ୪୮ କିଲୋଗ୍ରାମ ବର୍ଗର ଫାଇନାଲ୍ ମ୍ୟାଚ୍ରେ ସେ କାନାଡାର ହେଇଡି କ୍ୱାଚଙ୍କୁ ୨-୧ ସେଟ୍ରେ ପରାସ୍ତ କରି ଏହି ଗୌରବ ଆଣିଦେଇଛନ୍ତି।
ରୋମାଞ୍ଚକର ଫାଇନାଲ୍ ମୁକାବିଲା
ଫାଇନାଲ୍ ସଂଘର୍ଷ ଅତ୍ୟନ୍ତ କଡ଼ା ଓ ରୋମାଞ୍ଚକର ଥିଲା । ନିର୍ଦ୍ଧାରିତ ସମୟ ଶେଷ ସୁଦ୍ଧା ଉଭୟ ଖେଳାଳି ୧-୧ ସମାନ ସ୍ଥିତିରେ ଥିଲେ। ମ୍ୟାଚ୍ ବରାବର ରହିବାରୁ ଫଳାଫଳ ପାଇଁ ‘ଗୋଲ୍ଡେନ୍ ସ୍କୋର୍’ ଅବଧିକୁ ଅପେକ୍ଷା ଥିଲା । ଅତିରିକ୍ତ ସମୟରେ ଅସ୍ମିତା ନିଜର ଚମତ୍କାର କୌଶଳ ‘ଲେଗ୍ ଟ୍ୟାଙ୍ଗଲ୍’ ଜରିଆରେ ନିର୍ଣ୍ଣାୟକ ‘ୟୁକୋ’ ପଏଣ୍ଟ ହାସଲ କରି ବିଜୟ ସୁନିଶ୍ଚିତ କରିଥିଲେ।
ସେପଟେ ୩୦ ମିନିଟ୍ ଭିତରେ ଭାରତୀୟ ଜୁଡୋକା ହର୍ଷ ସିଂହ (Harsh Singh) ଏକ ଚମତ୍କାର ଓ ସଂଯମପୂର୍ଣ୍ଣ ପ୍ରଦର୍ଶନ କରି ସ୍ୱର୍ଣ୍ଣ ପଦକ ହାସଲ କରିଛନ୍ତି। ପୁରୁଷ ୬୦ କିଲୋଗ୍ରାମ (-60kg) ବର୍ଗର ଫାଇନାଲ୍ ମୁକାବିଲାରେ ୨୩ ବର୍ଷୀୟ ହର୍ଷ ଅଷ୍ଟ୍ରେଲିଆର ଜୋସୁଆ କାଟ୍ଜଙ୍କୁ ପରାସ୍ତ କରି ଏହି ଐତିହାସିକ ବିଜୟ ହାସଲ କରିଛନ୍ତି।
ଭାରତର ପଦକ ତାଲିକା
ଅସ୍ମିତା ଦେ’ଙ୍କ ଏହି ସ୍ୱର୍ଣ୍ଣିମ ସଫଳତା ସହ ରାଜ୍ୟଗୋଷ୍ଠୀ କ୍ରୀଡାରେ ଭାରତର ମୋଟ ପଦକ ସଂଖ୍ୟା ୧୮ କୁ ବୃଦ୍ଧି ପାଇଛି।
ସ୍ୱର୍ଣ୍ଣ: ୫
ରୌପ୍ୟ: ୯
କାଂସ୍ୟ: ୫
ଜୁଡୋରେ ଭାରତୀୟ କ୍ରୀଡ଼ାବିତ୍ଙ୍କ ଏହି ସ୍ୱର୍ଣ୍ଣ ପଦକ ସାରା ଦେଶ ପାଇଁ ଏକ ଗୌରବପୂର୍ଣ୍ଣ ଓ ସ୍ମରଣୀୟ ମୁହୂର୍ତ୍ତ ଆଣିଦେଇଛି ।
