ନୂଆଦିଲ୍ଲୀ, ୨୫/୦୮ : ମହିଳା ଟିମ୍ ପରେ ପୁରୁଷ ହକି ଟିମ୍ ବିଶ୍ୱକପରୁ ବିଦା ହୋଇଛି । ଉଭୟ ଟିମ୍ ସେମି ଫାଇନାଲରେ ପହଁଚି ପାରି ନାହାଁନ୍ତି । ଏହାକୁ ନେଇ ଦଳର ପୂର୍ବତନ ଗୋଲ୍ କିପର ଏବଂ ଦୁଇ ଥର ଅଲମ୍ପିକ୍ କାଂସ୍ୟ ପଦକ ବିଜେତା ପିଆର ଶ୍ରୀଜେଶ୍ ଭାରତୀୟ ହକି ମହାସଙ୍ଘକୁ ଟାର୍ଗେଟ୍ କରିଛନ୍ତି । ଦଳର ମ୍ୟାନେଜମେଣ୍ଟର ଉତ୍ତର ଏବଂ ଭୂମିକାକୁ ନେଇ ସେ ପ୍ରଶ୍ନ କରିଛନ୍ତି ।
Also Read :- ସରିନି ମୌସୁମୀ ଅଧିବେଶନ ! କିଛି ସିକ୍ରେଟ୍ ପ୍ଲାନ୍ କରୁଛନ୍ତି କି କେନ୍ଦ୍ର ସରକାର ? ସନ୍ଦେହ କଲେ ବିରୋଧୀ
ଭାରତୀୟ ପୁରୁଷ ଟିମ୍ ସୋମବାର ଆର୍ଜେଣ୍ଟିନାଠୁ ୩-୫ରେ ହାରିଛି । ନେଦରଲାଣ୍ଡରେ ଏହି ମୁକାବିଲା ଖେଳାଯାଇଥିଲା । ଭାରତକୁ ସେମି ଆଶା ଉଜ୍ଜୀବିତ ରଖିବାକୁ ଏହି ମୁକାବିଲା ଜିତିବା ଜରୁରୀ ଥିଲା । କିନ୍ତୁ ଟିମ୍ ଜିତିବାରେ ଅସମର୍ଥ ହୋଇଥିଲା । ଏବେ ଦଳ ସପ୍ତମ ସ୍ଥାନ ପାଇଁ ବେଲଜିୟମକୁ ଭେଟିବ ।
ଭାରତର ପରାଜୟର ବଡ଼ କାରଣ ହେଉଛି ପେନାଲ୍ଟି କର୍ଣ୍ଣର । ଦଳ ୭ଟି ପେନାଲ୍ଟି କର୍ଣ୍ଣର ପାଇଥିଲା । କିନ୍ତୁ ସବୁ ବେକାର ଯାଇଥିଲା । ବଲ୍ ଉପରେ ଖେଳାଳି ନିୟନ୍ତ୍ରଣ ରଖିଥିଲେ ମଧ୍ୟ ଅଧିକ ଗୋଲ୍ କରିପାରିନଥିଲେ । ଏସବୁକୁ ନେଇ ଶ୍ରୀଜେଶ୍ କଟାକ୍ଷ କରି କହିଛନ୍ତି ଯେ, ଚିନ୍ତା କରନ୍ତୁ ନାହିଁ । ବିଶ୍ୱକପ୍ କିଛି ଫରକ୍ ପକାଏ ନାହିଁ । ଏସିଆନ୍ ଗେମ୍ସ ଆସୁଛି । ସେଠାରେ ଜିତନ୍ତୁ ଏବଂ ମେଡାଲ ପାଆନ୍ତୁ । ଏହାପରେ ହିଁ ଅଲମ୍ପିକ୍ ପାଇଁ ସ୍ୱପ୍ନ ଦେଖିହେବ । ବିଶ୍ୱକପରେ ଯାହା କ୍ଷତି ହେଲା ତାହାକୁ ଏସବୁ ଟୁର୍ଣ୍ଣାମେଣ୍ଟ ଭରଣା କରିଦେବ ବୋଲି କଟାକ୍ଷ କରିଛନ୍ତି ପୂର୍ବତନ ଖେଳାଳି ।
Don’t worry… the World Cup doesn’t matter. 🤡
The Asian Games are coming. Win a medal 🥇 there, and then we can start dreaming about LA 2028. Apparently, that’s enough to cover everything that went wrong at the World Cup.
Women’s chief coach on holiday just before the World…
— sreejesh p r (@16Sreejesh) August 24, 2026
ସେ ଦଳର ଅନେକ ପ୍ରସଙ୍ଗ ଉଠାଇଛନ୍ତି । ବିଶ୍ୱକପ୍ ପୂର୍ବରୁ କିପରି ମହିଳା ଦଳର କୋଚ୍ ଛୁଟିରେ ଯାଇଥିଲେ ତାକୁ ନେଇ ସେ ପ୍ରଶ୍ନ କରିଛନ୍ତି । ଖେଳାଳିମାନେ ଆଶାଠୁ ଭଲ ପ୍ରଦର୍ଶନ କରିଛନ୍ତି । କିନ୍ତୁ କିଏ ବିଫଳତାର ଉତ୍ତରଦାୟୀ ରହିବ ତାହା ସ୍ଥିର ହେବା ଦରକାର । କୌଣସି ବଡ ଦଳଠୁ ହାରିଲେ ଅନେକ କିଛି ଶିଖିବାକୁ ମିଳେ । କିନ୍ତୁ ଏସିଆର ଅନେକ ଦଳ ବିରୋଧରେ ବିଜୟକୁ ବଡ଼ ବିଜୟ ଭାବେ ପ୍ରଚାର କରାଯାଉଛି । ଆମକୁ କେବଳ ଭଲ ହକି ଖେଳୁଥିବା ଦଳ ନୁହେଁ ବରଂ ବିଶ୍ୱର ସର୍ବଶ୍ରେଷ୍ଠ ଦଳକୁ ହରାଇବାର କ୍ଷମତା ରଖୁଥିବା ଟିମ୍ ପ୍ରସ୍ତୁତ କରିବାକୁ ହେବ । ବିଶ୍ୱକପ୍ କୌଣସି ପ୍ରସ୍ତୁତି ନୁହେଁ । ଏହା ବିଶ୍ୱକପ୍ । କଣ ସତରେ ଏହା କାହା ଉପରେ ଫରକ ପକାଉଛି କି ବୋଲି ସେ ପ୍ରଶ୍ନ କରିଛନ୍ତି ।
