ଶ୍ରୀମନ୍ଦିରରେ ଲକ୍ଷ୍ମୀଙ୍କ ମନ୍ଦିରକୁ ଘୋର ଅବହେଳା, ଭଙ୍ଗା ପଲଙ୍କରେ ଶୋଉଛନ୍ତି, ପିନ୍ଧୁଛନ୍ତି ଦଦରା କିରୀଟ
ପୁରୀ: ସାରା ଜଗତର ମାଲିକାଣୀଙ୍କ ପାଇଁ ଭଲ ପଲଙ୍କଟିଏ ନାହିଁ । ଭଙ୍ଗା ପଲଙ୍କରେ ଶୋଉଛପି ମହାଲକ୍ଷ୍ମୀ। ସିଂହାସନରେ ଅଧୁଖିତା ହୋଇ ସଦରା କିରୀଟ ଲାଗି ହେଉଛନ୍ତି। ପୁରୁଣା ତଥା ଭଙ୍ଗା ବିମାନକୁ ସେବକମାନେ ବାରବାର ମରାମତି କରି ଠାକୁରାଣୀଙ୍କୁ ପିନ୍ଧାଇଛନ୍ତି । ପ୍ରଶାସନ ଠାକୁରାଣୀଙ୍କ ଗଜଦନ୍ତ ପଲଙ୍କ ନେଇ କାଠ ପଲଙ୍କଟିଏ ଦେଇଥିଲା। ଏବେ ତାହା ପୁରୁଣା ହୋଇ ଭାଙ୍ଗିଗଲାଣି। କିଛି ବର୍ଷ ପୂର୍ବେ ଠାକୁରାଣୀଙ୍କ ଭଣ୍ଡାରରୁ ୮୦୦ ଗ୍ରାମ ସୁନା ନେଇଥିଲା ପ୍ରଶାସନ। ଗଜଦନ୍ତ ପଲଙ୍କ ମଧ୍ୟ ନେଇଯାଇଛି ।
ଠାକୁରାଣୀଙ୍କ ଭଙ୍ଗା କିରୀଟ ଓ ପଲଙ୍କର ସ୍ଥିତି ବାବଦରେ ବହୁବାର ଜଣାଯାଇଛି । ହେଲେ ମହାଲକ୍ଷ୍ମୀଙ୍କ ନୂତନ କିରୀଟ ଦେଇ ନାହିଁ ପ୍ରଶାସନ। ଏହିଭଳି ଶ୍ରୀମନ୍ଦିରରେ ଲକ୍ଷ୍ମୀଙ୍କ ମନ୍ଦିରକୁ ବର୍ଷ ବର୍ଷ ହେଲା ଘୋଳ ଅବହେଳା କରାଯାଉଥିବା ଖୋଦ ମା’ଙ୍କ ସେବକମାନେ ଅଭିଯୋଗ କରିଛନ୍ତି।
ଶ୍ରୀମନ୍ଦିର ଭିତରେ ଶ୍ରୀପୂର୍ଣ ଦେବସ୍ଥଳୀ ଶ୍ରୀହୀନ ଦେଖାଗଲା । ବଡ଼ଦେଉଳ ବାହାର ଚକଚକ କରି ମହାଲକ୍ଷ୍ମୀଙ୍କ ମନ୍ଦିରକୁ ଅବହେଳିତ ସ୍ଥିତିରେ ମା’ଙ୍କ ମନ୍ଦିର ଛାଡ଼ିଦେଇଛି। ମନ୍ଦିରରେ ଥିବା ଅନେକ ମହତ୍ତ୍ୱପୂର୍ଣ ଚିତ୍ର ଜଳିଗଲାଣି ଯାହାର ଯଥେଷ୍ଟ ଆଧ୍ୟାତ୍ମିକ ମହତ୍ତ୍ବ ରହିଥିଲା । ଜଗମୋହନ ଜନ୍ମର ରକ୍ଷଣବେଷଣ ଅଭାବରୁ ଚିତ୍ର ଖରାପ ହୋଇଗଲାଣି । ପ୍ରତିଦିନ ହଜ୍ୟର ହଜାର କାନ୍ତ ମା’ଙ୍କ କୃପା ଲାଭ କରିବାକୁ ମନ୍ଦିରକୁ ଆସି ମହାଲକ୍ଷ୍ମୀଙ୍କୁ ଦର୍ଶନ କରୁଛନ୍ତି।
ମନ୍ଦିରରେ ପଡ଼ିଥିବା ମାର୍ବଲ ପଥର ବିଭିନ୍ନ ସ୍ଥାନରେ ଭାଙ୍ଗିବାରୁ ଖଣ୍ଡିଆ ପଥର ବାଜି ଶ୍ରଦ୍ଧାଳୁମାନେ କ୍ଷତାନ୍ତ ହେଉଛନ୍ତି । ଶ୍ରୀମନ୍ଦିର ପରିଚାଳନାନାରୀ ହୁଏତ ନିଜ ଦାୟିତ୍ଵ ସୁଚାଇବାକୁ ଏଭଳି ଅଭିଯୋଗକୁ ଗିଳି ଦେବେ। ଠାକୁରାଣୀଙ୍କ ପ୍ରତି ହେଉଥିବା ଅବହେଳା ସାଧାରଣରେ ମାନୁନାହାନ୍ତି। ହେଲେ ଠାକୁରାଣୀଙ୍କ ଦୈନନ୍ଦିନ ସେବା କରୁଥିବା ସେବକମାନେ ମା’ଙ୍କ ପ୍ରତି ହେଉଥିବା ଅଣଦେଖାକୁ କିପରି ସହିଯିବେ!
