Voice of Eastern India

ଲକ୍ଷେକୁ ଖସିଲା ସୁନା ରେଟ୍ ! ରୁପା ବି ରାତାରାତି ହୋଇଗଲା ଶସ୍ତା : ଶୀଘ୍ର କିଣି ଆଣନ୍ତୁ


ନୂଆଦିଲ୍ଲୀ, ୧୭।୧୧ : ସୁନା ଦର ଏବେ ହ୍ରାସ ହେଉଛି । ଦର ପ୍ରାୟ ୧ ଲକ୍ଷ ଟଙ୍କା ସ୍ତରକୁ ଖସିଛି। ସୋମବାର ୧୮ କ୍ୟାରେଟ ସୁନା ଦର ୧.୦୨ ଲକ୍ଷ ସ୍ତରରେ ରହିଛି। ୧୦ ଗ୍ରାମ ପିଛା ଦର ୬୨୦ ଟଙ୍କା କମିଛି। ସେହିଭଳି ୨୨ କ୍ୟାରେଟ ୧୦ ଗ୍ରାମ ପିଛା ଦର ୭୫୦ ଟଙ୍କା ହ୍ରାସ ହ୍ରାସ ହୋଇ ୧,୨୫, ୪୦୦ ଟଙ୍କା ରହିଛି। ୨୪ କ୍ୟାରେଟ ସୁନା ଦର ୮୨୦ ଟଙ୍କା କମି ୧,୩୬,୮୦୦ ଟଙ୍କାକୁ ଖସିଛି।

କିଲୋପିଛା ରୁପା ଦର ୫ ହଜାର ହ୍ରାସ ହୋଇ ୧.୯୦ ଲକ୍ଷ ଟଙ୍କା ରହିଛି। ଇଣ୍ଡିଆ ବୁଲିଅନ ଆଣ୍ଡ୍ ଜୁଏଲର୍ସ ଆସୋସିଏସନ ମୁତାବକ, ସୋମବାରର ଦେଶରେ ରୁପା କିଲୋପିଛା ୭୭୪୯ ଟଙ୍କା ଯାଏ କମିଛି। ଫଳରେ ଏହାର ଦର ୧.୭୦ ଲକ୍ଷ ଟଙ୍କାକୁ ଖସିଗଲାଣି।

୧୧ ମାସ ପରେ ରୁପା ଦର ୧.୭୦ ଲକ୍ଷ ଟଙ୍କା ସ୍ତରକୁ ଆସିଛି। ଏହା ପୂର୍ବରୁ ୨୦୨୫ ଡିସେମ୍ବର ପହିଲାରେ ରୁପା ୧.୬୪ ଲକ୍ଷ ଟଙ୍କା ସ୍ତରରେ ଥିଲା । ୨ ଡିସେମ୍ବରରେ ଏହା ୧.୭୩ ଲକ୍ଷ ସ୍ତରରେ ଥିଲା। ଚଳିତ ମାସରେ ରୁପା ଦର ୧୭ ହଜାର ଏବଂ ସୁନା ୬ ହଜାରରୁ ଉର୍ଦ୍ଧ୍ବ ହ୍ରାସ ହେଲାଣି। ୩୦ ଅକ୍ଟୋବରେ ରୁପା ୧.୮୬ ଲକ୍ଷ ଏବଂ ସୁନା ୧.୪୦ ଲକ୍ଷ ଟଙ୍କାରେ ଥିଲା ।

ଚଳିତ ବର୍ଷ ସୁନା ଓ ରୁପା ଦରରେ ଲଗାତର ବୃଦ୍ଧି ପରିଲକ୍ଷିତ ହୋଇଥିଲା। ରୁପା ଦର ୨୦୨୫ ଡିସେମ୍ବର ୩୧ରେ ୨.୩୦ ଟଙ୍କା ଏବଂ ଜାନୁଆରିରେ ସର୍ବକାଳୀନ ରେକର୍ଡ ୩.୮୬ ଲକ୍ଷ ଛୁଇଁଥିଲା। ଦେଶରେ ଅଦ୍ୟାବଧି ରୁପା କିଲୋ ପିଛା ଦର ୨.୧୬ ଲକ୍ଷ ଟଙ୍କା ଶସ୍ତା ହେଲାଣି।

Also Read :- ଋଷ ଉପରେ ସବୁଠୁ ବଡ଼ ଆଟାକ୍ ! ୟୁକ୍ରେନ୍ ମାଡ଼ କଲା ୨୦୦୦ ଡ୍ରୋନ-ମିସାଇଲ, ଅନେକ ଅଞ୍ଚଳ ଧ୍ୱଂସ

ସୁନା ଦର ୨୦୨୫ ଡିସେମ୍ବରରେ ୧.୩୩ ଲକ୍ଷ ଟଙ୍କା ଥିବା ବେଳେ ୨୯ ଜାନୁଆରିରେ ରେକର୍ଡ ୧.୭୬ ଟଙ୍କା ସ୍ତରକୁ ବଢ଼ିଥିଲା। ଏହି ସ୍ତରରୁ ସୁନା ୪୨ ହଜାର ଟଙ୍କା ଯାଏ ଶସ୍ତା ହୋଇଛି। ବର୍ତ୍ତମାନ ଡଲାର ଏବଂ ବଣ୍ଡରୁ ମିଳୁଥିବା ଲାଭରେ ଉନ୍ନତି ଆସିଛି। ସେହିଭଳି ଫେଡେରାଲ ରିଜର୍ଭର ସୁଧହାର ବୃଦ୍ଧି ଆଶଙ୍କା ଏବଂ ଦୀପାବଳି ପରେ ନିବେଶକଙ୍କ ଦ୍ଵାରା ପ୍ରଫିଟ ବୁକିଂ ଯୋଗୁ ସୁନା ନିବେଶ ଉପରେ ପ୍ରଭାବ ପଡ଼ିବା ସହ ଦର ହ୍ରାସ ହେଉଛି। ସେହିଭଳି ଯୁଦ୍ଧ ଆଶଙ୍କା କମିଥିବାରୁ ଏହା ସୁନାର ଚମକକୁ ଫିକା କରିଛି ବୋଲି ବିଶେଷଜ୍ଞ କହିଛନ୍ତି ।



Source link

Leave A Reply

Your email address will not be published.