ନୂଆଦିଲ୍ଲୀ: ଟଙ୍କା ତୁଳନାରେ ମହଙ୍ଗା ହେଲା ଡଲାର। ଏବେ ୧ ଆମେରିକୀୟ ଡଲାର ଭାରତୀୟ ମୁଦ୍ରାରେ ୯୬ଟଙ୍କା ୭୦ ପଇସାକୁ ପହଞ୍ଚିଛି। ଏଣୁ ଆର୍ଥିକ ବଜାରରେ ହଲଚଲ ବଢି ଯାଇଛି। ସେପଟେ ବ୍ରେଣ୍ଟ କ୍ରୁଡ ପୁଣି ଥରେ ୧୦୦ ଡଲାରକୁ ପହଞ୍ଚି ଯାଇଛି। ଏଣୁ ଆମଦାନୀ ମହଙ୍ଗା ହୋଇଛି। ତେବେ ମାମଲାରେ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ହସ୍ତକ୍ଷେପ କରିବା ଯୋଗୁ ପରିସ୍ଥିତି କିଛିମାତ୍ରାରେ ନିୟନ୍ତ୍ରିତ ହୋଇଛି। ହେଲେବି ଇଣ୍ଟ୍ରାଡେ ନିମ୍ନସ୍ତରର ଚାପ ଦେଖିବାକୁ ମିଳୁଛି।
ଉପୁଜିଥିବା ପରିସ୍ଥିତିରେ ଯଦି ପେମେଣ୍ଟ ଲାଗି ଆପଣଙ୍କ ପାଖରେ ସ୍ୱଳ୍ପ ସମୟ ଅଛି ତେବେ କେବଳ ହେଡ଼ଲାଇନ ରେଟ୍ ଦେଖନ୍ତୁନି, ବରଂ ପକେଟରୁ କଟୁଥିବା ମୋଟ ବ୍ୟୟ ଉପରେ ଧ୍ୟାନ ଦିଅନ୍ତୁ। ସପ୍ତାହର ଶେଷ ଦିନ ହୋଇଥିବାରୁ ରେଟ୍ ଲକ୍ ଓ କଟଅଫ ଟାଇମିଂ ଉପରେ ଖାସ ଧ୍ୟାନ ଦିଅନ୍ତୁ। କାରଣ ୱିକେଣ୍ଡରେ ଫୋରେକ୍ସ ପ୍ରୋସେସିଂ ଅଟକି ଯାଇଥାଏ। ଶନିବାର ପଠାଯାଇଥିବା ରିକ୍ୱେଷ୍ଟ ସାଧାରଣତଃ ସୋମବାର ପ୍ରୋସେସ ହୋଇଥାଏ ଓ ସୋମବାର ଭାଲ୍ୟୁଡେଟ୍ ହିଁ ମିଳିଥାଏ। ଏଥିରେ ଯଦି ତୁରନ୍ତ ପେମେଣ୍ଟ ଜରୁରି ହୋଇଥାଏ ତେବେ ନିଜ ବ୍ୟାଙ୍କ ମାଧ୍ୟମରେ ପରୱାଡ କଣ୍ଟ୍ରାକ୍ଟ ଅଥବା ଗ୍ୟାରେଣ୍ଟେଡ ରେଟ ପ୍ରଡକ୍ଟ ବୁକ୍ କରି ନିଅନ୍ତୁ।
ଭାରତ ନିଜ ଆବଶ୍ୟକତାରେ ୮୫%ରୁ ଅଧିକ ଅଶୋଧିତ ତୈଳ ଆମଦାନୀ କରିଥାଏ। ଡଲାର ମହଙ୍ଗା ହେବା ଯୋଗୁ ତେଲ ଆମଦାନୀ ବିଲ୍ ବଢିବ। ଫଳରେ ପରିବହନ, ଖାଦ୍ୟସାମଗ୍ରୀ ଓ ଅନ୍ୟ ଆମଦାନୀ ସାମଗ୍ରୀର ଦର ବଢିବ। ଡଲାର ମହଙ୍ଗା ହେବା ଯୋଗୁ ଆମେରିକା ଓ ଅନ୍ୟ ଦେଶକୁ ଯାତ୍ରା କରୁଥିବା ଲୋକେ ଅଥବା ବିଦେଶରେ ପାଠ ପଢୁଥିବା ଛାତ୍ର ଖର୍ଚ୍ଚ ବଢି ଯାଇଛି। ତେବେ ଟଙ୍କାର ମୂଲ୍ୟ ହ୍ରାସ ରୋକିବା ପାଇଁ ଆରବିଆଇ ନିଜ ବୈଦେଶିକ ମୁଦ୍ରାଭଣ୍ଡାର ଉପଯୋଗ କରି ବଜାରରେ ଡଲାର ବିକ୍ରି ଆରମ୍ଭ କରିଛନ୍ତି।
