‘ମୁଁ ଯାହା କହିଥିଲି, ମୁଁ ଅଟଳ’: ଛାତ୍ର ପ୍ରତିବାଦ ମନ୍ତବ୍ୟ ଉପରେ ଟ୍ରୋଲରଙ୍କୁ ଜବାବ ଦେଲେ ମୋହନଲାଲଙ୍କ ଝିଅ
ନୂଆଦିଲ୍ଲୀ: NEET ପେପର ଲିକ୍ ବିବାଦକୁ ନେଇ ପ୍ରତିବାଦ କରୁଥିବା ଛାତ୍ରଛାତ୍ରୀଙ୍କ ସମର୍ଥନରେ ମନ୍ତବ୍ୟ ଦେଇଥିଲେ ମଲାୟାଲମ୍ ସୁପରଷ୍ଟାର ମୋହନଲାଲଙ୍କ ଝିଅବିସ୍ମୟା ମୋହନଲାଲ। ତାଙ୍କ ବୟାନକୁ ନେଇ ବିତର୍କ ଆରମ୍ଭ ହୋଇଛି। ଏହାରି ଭିତରେସମାଲୋଚନାକୁ ନେଇ ନିଜର ସ୍ପଷ୍ଟୀକରଣ ରଖିଛନ୍ତି ବିସ୍ମୟା।ରେଖା ମେନନଙ୍କ ସହ ‘FTQ’ କୁ ଦେଇଥିବା ସାକ୍ଷାତକାରରେ ବିସ୍ମୟା କହିଛନ୍ତି ଯେ, ସେ ନିଜ ମତ ଉପରେ ଦୃଢ଼ ଓ ଅଟଳ ଅଛନ୍ତି ଏବଂ ଏଥିପାଇଁ ତାଙ୍କର କୌଣସି ଅନୁତାପ ନାହିଁ। ଏକ ଗଣତାନ୍ତ୍ରିକ ଦେଶରେ ନାଗରିକଙ୍କୁ ପ୍ରଶ୍ନ ପଚାରିବା ଏବଂ ଶୁଣିବାର ସମ୍ପୂର୍ଣ୍ଣ ସ୍ୱାଧୀନତା ମିଳିବା ଉଚିତ।
ପ୍ରତିବାଦକାରୀଙ୍କ ସ୍ୱରକୁ ଦବାଇବା ପାଇଁ ଶକ୍ତି କିମ୍ବା ବଳପ୍ରୟୋଗ କରିବା ପରିବର୍ତ୍ତେ ଆଲୋଚନାକୁ ପ୍ରାଧାନ୍ୟ ଦିଆଯିବା ଆବଶ୍ୟକ। ରାଜନୈତିକ ମତଭେଦ ଯାହା ବି ହୋଇଥାଉ, ମାନବିକତା ସବୁବେଳେ ପ୍ରଥମେ ରହିବା ଉଚିତ। ଯେଉଁ ଦଳ କ୍ଷମତାରେ ଥାଉ ନା କାହିଁକି, ସମାନ ଘଟଣା ଘଟିଲେ ସେ ସମାନ ଭାବେ ସ୍ୱର ଉଠାଇବେ।
ବିସ୍ମୟା ସୋସିଆଲ ମିଡିଆରେ ଲେଖିଥିଲେ,”ଆପଣ ପ୍ରତିବାଦକାରୀଙ୍କ ସହ ସହମତ ନ ହୋଇପାରନ୍ତି,କିନ୍ତୁ ଯଦି ନାଗରିକଙ୍କ ସ୍ୱର ପ୍ରତି ସରକାରୀ ପ୍ରତିକ୍ରିୟା ଆଲୋଚନା ବଦଳରେ ପ୍ରବଳ ଶକ୍ତିଶାଳୀ ବଳପ୍ରୟୋଗ ହୁଏ,ତେବେ ଆମେ କେଉଁ ପ୍ରକାରର ଗଣତନ୍ତ୍ରରେରହୁଛେ,ତାହା ଚିନ୍ତା କରିବାର ସମୟ ଆସିଛି।”
ଏହି ପୋଷ୍ଟ ପରେ ସୋସିଆଲ ମିଡିଆରେ ବିବାଦ ଓ ସମାଲୋଚନା ଆରମ୍ଭ ହୋଇଥିଲା। ତାଙ୍କସମର୍ଥନରେ ନିର୍ଦ୍ଦେଶକ ମେଜର ରବିବାହାରିଥିଲେ।ସେ କହିଛନ୍ତି ଯେ, ବିସ୍ମୟାଙ୍କ ବକ୍ତବ୍ୟ ପଛରେ କୌଣସି ରାଜନୈତିକ ଅଭିସନ୍ଧି ନାହିଁ, ବରଂ ଛାତ୍ରଛାତ୍ରୀଙ୍କ କଷ୍ଟ ଦେଖି ଏହା ଏକ ଭାବପ୍ରବଣ ଓ ମାନବିକ ପ୍ରତିକ୍ରିୟା ଥିଲା।
also read- ‘ବେଟି ବଚାଓ ବେଟି ପଢ଼ାଓ’ ଯୋଜନାରେ ୧୦୭୫ କୋଟି ଖର୍ଚ୍ଚ, କ’ଣ ସବୁ ହୋଇଛି ଲାଭ ?
କେବଳ ବିସ୍ମୟା ନୁହଁନ୍ତି, ଦିଲ୍ଲୀରେ ଛାତ୍ର ପ୍ରତିବାଦକୁ ସମର୍ଥନ କରି ପୋଷ୍ଟ କରିଥିବା ପ୍ରସିଦ୍ଧ ଅଭିନେତାଟୋଭିନୋ ଥମାସମଧ୍ୟ ଏକ ନିର୍ଦ୍ଦିଷ୍ଟ ରାଜନୈତିକ ଦଳର ସମର୍ଥକଙ୍କ ଆକ୍ରୋଶର ଶିକାର ହୋଇଥିଲେ। ସୋସିଆଲ ମିଡିଆ ବିବାଦ ମଧ୍ୟରେ ବିସ୍ମୟା ନିଜର ଅଭିନୟ କ୍ୟାରିୟର ଆରମ୍ଭ କରିବାକୁ ଯାଉଛନ୍ତି। ଜୁଡ୍ ଆନ୍ଥାନି ଜୋସେଫଙ୍କ ଆଗାମୀ ଚଳଚ୍ଚିତ୍ର ‘ଥୁଡକ୍କମ୍’ମାଧ୍ୟମରେ ସେ ଡେବ୍ୟୁ କରିବେ। ଏହି ଫିଲ୍ମଟି ଅଗଷ୍ଟ ୭ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି।
