ବାଂଲାଦେଶରେ ହିନ୍ଦୁ ପରିବାରକୁ ହତ୍ୟା ଘଟଣା : ପ୍ରଥମେ ପତ୍ନୀ ଏବଂ ଝିଅଙ୍କୁ କରାଯାଇଥିଲା ଦୁଷ୍କର୍ମ, ଲୁଚାଇଥିଲା ପୋଲିସ !
ନୂଆଦିଲ୍ଲୀ, ୨୬/୦୮ : ବାଂଲାଦେଶର ରଙ୍ଗପୁର ଅଞ୍ଚଳରେ କିଛି ଦିନ ତଳେ ଗୋଟିଏ ହିନ୍ଦୁ ପରିବାରକୁ ହତ୍ୟା କରାଯାଇଥିଲା । ସେମାନଙ୍କୁ ସମ୍ପର୍କୀୟ ହତ୍ୟା କରିଥିବା ପ୍ରଥମେ ସୂଚନା ଆସିଥିଲା । ଯାହା ନେଇ ଅନେକ ପ୍ରମାଣ ମିଳିଛି । ଏହାରି ଭିତରେ ଆଉ ଏକ ଖବର ସାମ୍ନାକୁ ଆସିଛି । ପୋଲିସ ଏକ ବଡ କଥା ଲୁଚାଇଥିଲା । ପ୍ରାଣ ହରାଇଥିବା ପରିବାରର ମହିଳା ପ୍ରଥମେ ଦୁଷ୍କର୍ମର ଶିକାର ହୋଇଥିଲେ । ଏକଥାକୁ ପୋଲିସ ଚାପି ଦେଇଥିବା ଜଣାପଡିଛି ।
Also Read :- ଡରାଉଛି ତ୍ରିପଲ ବାତ୍ୟା : ସମୁଦ୍ରରୁ ଗର୍ଜନ କରି ମାଡ଼ି ଆସୁଛନ୍ତି, ୧୪୪ କିମି ବେଗରେ ବହିବ ପବନ
ରିପୋର୍ଟ ଅନୁସାରେ, ବାଂଲାଦେଶର ସ୍କୁଲ ଶିକ୍ଷକ ଗଣପତି ଚକ୍ରବର୍ତ୍ତୀ, ପତ୍ନୀ, ଝିଅ ଏବଂ ପୁଅଙ୍କ ମୃତଦେହ ସେମାନଙ୍କ ଘରୁ ଉଦ୍ଧାର ହୋଇଥିଲା । ଘଟଣାରେ ପୋଲିସ ଗଣପତିଙ୍କ ଭାଇ ମୁଗଧୋ ଦାସ୍ ଏବଂ ସିଧାର୍ଥ ଦାସଙ୍କୁ ଗିରଫ କରିଛି । ପୋଲିସର କହିବାନୁସାରେ ଏହି ଦୁଇ ଅଭିଯୁକ୍ତ ସମସ୍ତଙ୍କ ତଣ୍ଟିକୁ ଚିପି ହତ୍ୟା କରିଥିଲେ । କିନ୍ତୁ ସ୍ଥାନୀୟ ସଙ୍ଗଠନର ଏଥିରେ ହାତ ଥିବା କିଛି ହିନ୍ଦୁନେତା ଦାବି କରୁଛନ୍ତି । ପୋଲିସ ଜାଣିଶୁଣି ସେମାନଙ୍କୁ ଗିରଫ କରୁନାହିଁ ବୋଲି ଅଭିଯୋଗ ହେଉଛି ।
ପ୍ରଥମେ ପୋଲିସ ହତ୍ୟାକାଣ୍ଡ ନେଇ ସ୍ପଷ୍ଟ କରିଥିଲା । ହେଲେ ଦୁଷ୍କର୍ମ ବାବଦରେ କିଛି କହିନଥିଲା । କିନ୍ତୁ ସ୍ଥାନୀୟ ମିଡିଆ ଏହା ଉପରେ ଏକ ଷ୍ଟିଙ୍ଗ୍ ଅପରେସନ କରିଛି । ଯେଉଁଥିରେ ଶବାଗାରର କର୍ମଚାରୀ ଗଣପତିଙ୍କ ପତ୍ନୀ ଏବଂ ଝିଅଙ୍କ ଶରୀରରେ ସିମେନ୍ସ ପାଇଥିବା କହିଛନ୍ତି । ଏନେଇ ସରକାରୀ ଭାବେ ସ୍ପଷ୍ଟ କରାଯାଇ ନାହିଁ । ଏହାକୁ ନେଇ ବିବାଦ ବଢିଛି । ଯାହା ପରେ ତଦନ୍ତ ଭାର ପୋଲିସ ବଦଳରେ ଡିଟେକ୍ଟିଭ୍ ଶାଖାକୁ ଦିଆଯାଇଛି ।
କ’ଣ ଥିଲା ଘଟଣା
ବାଂଲାଦେଶ ଗଣମାଧ୍ୟମ ଡେଲି ଷ୍ଟାର ରିପୋର୍ଟ ଅନୁସାରେ, ରଙ୍ଗପୁର ଜିଲ୍ଲା ସ୍କୁଲର ଅବସର ପ୍ରାପ୍ତ ସ୍କୁଲ ଶିକ୍ଷକ ୬୫ ବର୍ଷୀୟ ଗଣପତି ଚକ୍ରବର୍ତ୍ତୀ, ପ୍ରୀତିଲତା ଚକ୍ରବର୍ତ୍ତୀ(୫୦) ଏବଂ ୨୩ ବର୍ଷୀୟ ଝିଅ ଆଗାମୀ ଚକ୍ରବର୍ତ୍ତୀ ପ୍ରାର୍ଥୀ ଓ ୧୨ ବର୍ଷର ପୁଅ ପ୍ରିୟମ ଚକ୍ରବର୍ତ୍ତୀ, ସମସ୍ତଙ୍କୁ ଗଳା ଚିପି ବା ସ୍ୱାସ ରୁଦ୍ଧ କରି ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।
ଶନିବାର ରାତି ପ୍ରାୟ ୧୧ଟା ବେଳେ ପୁଲିସ ଘରର ତାଲା ଭାଙ୍ଗି ସମସ୍ତ ମୃତେଦହ ଉଦ୍ଧାର କରିଥିଲା।ରଙ୍ଗପୁର ମେଟ୍ରୋପଲିଟନ କୋତୱାଲି ଥାନାର ଅଧିକାରୀ-ଇନ୍-ଚାର୍ଜ ନାଜମୁଲ କାଦେରଙ୍କ କହିବାନୁସାରେ, ରାତି ପ୍ରାୟ ୧୧ଟା ୩୦ରେ ମୃତଦେହଗୁଡ଼ିକୁ ଉଦ୍ଧାର କରାଯାଇଥିଲା। ରଙ୍ଗପୁର ମେଟ୍ରୋପଲିଟନ ସିଆଇଡି ଇନ୍-ଚାର୍ଜ ସୁବୀର ଚୌଧୁରୀଙ୍କ ସୂଚନା ଅନୁସାରେ, ପ୍ରୀତିଲତା ଓ ଆଗାମୀଙ୍କ ମୃତଦେହ ଘରର ସିଡ଼ି ନିକଟରୁ ମିଳିଥିଲା। ଗଣପତିଙ୍କ ମୃତଦେହ ଛାତ ଉପରୁ ଏବଂ ପ୍ରିୟମଙ୍କ ମୃତଦେହ ଏକ ଖଟ ତଳୁ ଉଦ୍ଧାର କରାଯାଇଥିଲା।
ଅବସର ପରେ ନୂଆ ଘର
ଗଣପତି ଚକ୍ରବର୍ତ୍ତୀ ଗତବର୍ଷ ଡିସେମ୍ବର ୩୧ରେ ରଙ୍ଗପୁର ଜିଲ୍ଲା ସ୍କୁଲରୁ ଅବସର ନେଇଥିଲେ। ଅବସର ପରେ ସେ ହୋମିଓପାଥି ଚିକିତ୍ସା କରୁଥିଲେ। ତାଙ୍କ ଝିଅ ଆଗାମୀ ଚଳିତ ବର୍ଷ ରଙ୍ଗପୁର କାରମାଇକେଲ କଲେଜରୁ ଇଂରାଜୀରେ ମାଷ୍ଟର୍ସ ଡିଗ୍ରୀ ଶେଷ କରିଥିଲେ। ପୁଅ ପ୍ରିୟମ ରଙ୍ଗପୁର ଜିଲ୍ଲା ସ୍କୁଲର ପଞ୍ଚମ ଶ୍ରେଣୀର ଛାତ୍ର ଥିଲେ।
ଗଣପତିଙ୍କ ଭାଣିଜୀ ସୋମା ଚକ୍ରବର୍ତ୍ତୀଙ୍କ କହିବାନୁସାରେ, ତାଙ୍କର କୌଣସି ଜଣାଶୁଣା ଶତ୍ରୁ ନଥିଲେ। ପରିବାରଟି ପ୍ରାୟ ଚାରି ବର୍ଷ ଧରି ଏହି ଅଞ୍ଚଳରେ ରହୁଥିଲେ। ଗଣପତି ତିନି ମହଲାର ଘରଟି ନିର୍ମାଣ କରିଥିଲେ, ଯଦିଓ ନିର୍ମାଣ କାମ ଏପର୍ଯ୍ୟନ୍ତ ସମ୍ପୂର୍ଣ୍ଣ ହୋଇନଥିଲା। ପରିବାରର କାହା ସହ କୌଣସି ବିବାଦ ଥିବା ବିଷୟରେ ସେ ଜାଣିନଥିବା ପ୍ରୀତିଲତାଙ୍କ ଭଉଣୀ ପୂଜା କହିଛନ୍ତି।
