ପ୍ରେମିକାଙ୍କୁ ଭେଟିବାକୁ କାର୍ ଭଡ଼ା କରି ଆସିଲେ ନୂଆପଡ଼ାରୁ ଗଞ୍ଜାମ, ଖୁଣ୍ଟରେ ବନ୍ଧାହୋଇ ଛେଚା ଖାଇଲେ

ଦିଗପହଣ୍ଡି ୩୧।୭: ପ୍ରେମିକାଙ୍କୁ ଭେଟିବାକୁ ଆସି ହଟହଟା ହେଲେ ପ୍ରେମିକ । ଚୋର ସନ୍ଦେହରେ ଖୁଣ୍ଟରେ ବାନ୍ଧି ମାଡ଼ ମାରିଲେ ଗାଁଲୋକ । ଗଞ୍ଜାମ ଜିଲ୍ଲା ଜରଡ଼ା ଥାନା ଅଧୀନ ଖାରିଆଗୁଡା ଫାଣ୍ଡି ଅନ୍ତର୍ଗତ ପଥରାଘାଇ ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ପ୍ରେମିକାଙ୍କ ଡାକରେ କାର୍ ଭଡା କରି ତାଙ୍କୁ ଭେଟିବାକୁ ଆସିଥିବା ଜଣେ ଯୁବକଙ୍କୁ ଗାଁଲୋକ ଚୋର ସନ୍ଦେହରେ ଧରି ଖୁଣ୍ଟରେ ବାନ୍ଧି ନିର୍ଦ୍ଧୁମ ମାଡ଼ ମାରିଥିବା ଅଭିଯୋଗ ହୋଇଛି।

ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ଖାରିଆଗୁଡା ଫାଣ୍ଡି ଅନ୍ତର୍ଗତ ପଥରାଘାଇ ଗ୍ରାମର ଜଣେ ବ୍ୟକ୍ତିଙ୍କ ବାଡ଼ି ନିକଟରେ ଯୁବକ ଜଣକ ବୁଲୁଥିବା ବେଳେ ଗ୍ରାମବାସୀ ତାଙ୍କୁ ଚୋର ସନ୍ଦେହରେ କାବୁ କରିଥିଲେ। ପରେ ତାଙ୍କୁ ଗାଁ ମଝିକୁ ଆଣି ଖୁଣ୍ଟରେ ବାନ୍ଧି ମାଡ଼ ମାରିଥିଲେ । ଯୁବକ ଜଣକ ନିଜକୁ ନୂଆପଡା ଅଞ୍ଚଳର ବାସିନ୍ଦା ବୋଲି ପରିଚୟ ଦେବା ସହ ଗ୍ରାମର ଜଣେ ଯୁବତୀଙ୍କ ସହ ପ୍ରେମ ସମ୍ପର୍କ ଥିବା କହିଥିଲେ । ତେବେ ବାରମ୍ବାର ପଚରାଉଚରା ସତ୍ତ୍ୱେ ସେ ପ୍ରେମିକାଙ୍କ ନାମ ପ୍ରକାଶ କରିନଥିବା ଜଣାପଡ଼ିଛି ।

Also Read:- ମହାନଦୀ ବନ୍ୟାକୁ ନେଇ ରାଜନୈତିକ ଝଡ଼ : ବିଜେଡି-କଂଗ୍ରେସର ଟାର୍ଗେଟ୍, ବିଜେପିର ପାଲଟା ଜବାବ

ଗ୍ରାମବାସୀ ସାରାରାତି ଯୁବକଙ୍କୁ ବାନ୍ଧି ରଖିଥିଲେ । ପରେ ସକାଳେ ଖାରିଆଗୁଡା ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କୁ ଉଦ୍ଧାର କରିଥିଲେ ।