ନୂଆଦିଲ୍ଲୀ ୨୮।୦୭; ଶନି ଦେବ ୨୭ ଜୁଲାଇ ୨୦୨୬ରୁ ମୀନ ରାଶିରେ ବକ୍ର ହୋଇଛନ୍ତି । ଏହି ଚଳନ ୧୧ ଡିସେମ୍ବର ୨୦୨୬ ପର୍ଯ୍ୟନ୍ତ ମୋଟ ୧୩୮ ଦିନ ଚାଲିବ । ଜ୍ୟୋତିଷ ଶାସ୍ତ୍ର ଅନୁସାରେ, ଶନିଙ୍କର ଏହି ଓଲଟା ଚଳନ ସମସ୍ତ ୧୨ଟି ରାଶି ଉପରେ ଶୁଭ ଓ ଅଶୁଭ ପ୍ରଭାବ ପକାଇବ । ବୃଷ, ମେଷ, ତୁଳା ଏବଂ ବିଛା ରାଶିର ବ୍ୟକ୍ତିବିଶେଷଙ୍କ ପାଇଁ ଏହି ସମୟ ଅତ୍ୟନ୍ତ ଅନୁକୂଳ ରହିବ । ଅଟକି ରହିଥିବା ପୁରୁଣା କାର୍ଯ୍ୟ ସଫଳତାର ସହ ପୂରଣ ହେବ। ଚାକିରି ଏବଂ ବ୍ୟବସାୟରେ ପ୍ରଗତି ସହ ଆର୍ଥିକ ସ୍ଥିତି ମଜଭୁତ ହେବ । ସେହିପରି କନ୍ୟା, ଧନୁ, ମକର ଏବଂ କୁମ୍ଭ ରାଶି ପାଇଁ ସମୟ ସାଧାରଣ ରହିବ ।
କଠିନ ପରିଶ୍ରମର ଫଳ ମିଳିବ, କିନ୍ତୁ ପାରିବାରିକ ମତଭେଦ ଓ ଆର୍ଥିକ ନେଣଦେଣରେ ସତର୍କ ରହିବାକୁ ପଡ଼ିବ । ଅନ୍ୟପଟେ ସିଂହ ରାଶି ଉପରେ ଶନିଙ୍କ ‘ଢ଼େୟା’ ଏବଂ ମୀନ ରାଶିରେ ସାଢ଼େସାତୀର ଦ୍ୱିତୀୟ ପର୍ଯ୍ୟାୟ ଚାଲିଥିବାରୁ ଏମାନଙ୍କୁ ଅଧିକ ସାବଧାନ ରହିବାକୁ ହେବ । ମିଥୁନ ଓ କର୍କଟ ରାଶିର ଲୋକଙ୍କୁ ମଧ୍ୟ ମାନସିକ ଚିନ୍ତା, ସ୍ୱାସ୍ଥ୍ୟ ସମସ୍ୟା ଏବଂ ବ୍ୟର୍ଥ ଖର୍ଚ୍ଚର ସାମ୍ନା କରିବାକୁ ପଡ଼ିପାରେ । ଏହି ସମୟରେ ବଡ଼ ନିବେଶ କିମ୍ବା କାହା ସହ ବିବାଦରୁ ଦୂରେଇ ରୁହନ୍ତୁ ।
ଏହି ସମୟ ମଧ୍ୟରେ ଶନିଦେବ ମୀନ ରାଶିରେ ହିଁ ଓଲଟା ଗତିରେ ରହିବେ । ଏଥିପାଈଁ ସମସ୍ତ ୧୨ଟି ରାଶିର ବ୍ୟକ୍ତିବିଶେଷଙ୍କ ଜୀବନ, କ୍ୟାରିୟର ଏବଂ ଆର୍ଥିକ ସ୍ଥିତି ଉପରେ ଗଭୀର ପ୍ରଭାବ ପକାଇବ । ବୈଦିକ ଜ୍ୟୋତିଷ ଅନୁସାରେ, ଏହି ୧୩୮ ଦିନର ଅବଧିରେ କେତେକ ରାଶିକୁ ଶୁଭଫଳ ମିଳିବାକୁ ଥିବାବେଳେ କିଛି ରାଶିକୁ ଅଧିକ ସତର୍କ ରହିବାକୁ ପଡ଼ିବ ।
କେଉଁ ରାଶି ପାଇଁ ଶୁଭ:
ମେଷ: ସାଢ଼େସାତୀର ପ୍ରଥମ ପର୍ଯ୍ୟାୟ ଚାଲିଥିଲେ ମଧ୍ୟ ପୁରୁଣା ଅଟକି ରହିଥିବା କାର୍ଯ୍ୟ ସଫଳତାର ସହ ପୂରଣ ହେବ। ଆର୍ଥିକ ସ୍ଥିତିରେ ସୁଧାର ଆସିବ।
ବୃଷ: ଏହି ଚଳନ ଆପଣଙ୍କ ପାଇଁ ସବୁଠାରୁ ଅଧିକ ଲାଭଦାୟକ ପ୍ରମାଣିତ ହେବ। ବ୍ୟବସାୟ ଏବଂ ଚାକିରିରେ ଉନ୍ନତି ସହ ଆୟର ନୂତନ ଉତ୍ସ ମିଳିବ।
ତୁଳା : ଶତ୍ରୁମାନେ ପରାଜିତ ହେବେ। କୋର୍ଟ-କଚେରି ମାମଲାରେ ସଫଳତା ମିଳିବ ଏବଂ ଆର୍ଥିକ ଉନ୍ନତିର ଯୋଗ ରହିଛି।
ବିଛା : କ୍ୟାରିୟରରେ ନୂତନ ସୁଯୋଗ ମିଳିବ। ପରିବାରରେ ଚାଲିଥିବା ବିବାଦ ଦୂର ହେବ ଏବଂ ଆତ୍ମବିଶ୍ୱାସ ବୃଦ୍ଧି ପାଇବ।
କେଉଁ ରାଶି ରହିବେ ସତର୍କ:
ମିଥୁନ : କାର୍ଯ୍ୟକ୍ଷେତ୍ରରେ କାମର ଚାପ ବଢ଼ିପାରେ ଏବଂ ଅନାବଶ୍ୟକ ଯାତ୍ରା କରିବାକୁ ପଡ଼ିପାରେ। ବଡ଼ ନିବେଶ କରିବା ପୂର୍ବରୁ ଚିନ୍ତା କରନ୍ତୁ।
କର୍କଟ: ଭାଗ୍ୟର ସହଯୋଗ ମିଳିବାରେ ସାମାନ୍ୟ ବିଳମ୍ବ ହୋଇପାରେ। ପିତାଙ୍କ ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ ଏବଂ କାହା ସହ ବିବାଦ କରନ୍ତୁ ନାହିଁ।
ସିଂହ: ଆପଣଙ୍କ ଉପରେ ଶନିଙ୍କ ‘ଢେୟା’ର ପ୍ରଭାବ ରହିଛି। ସ୍ୱାସ୍ଥ୍ୟ ସମସ୍ୟା ଦେଖାଦେଇପାରେ ଏବଂ ଗୁପ୍ତ ଶତ୍ରୁମାନେ ଅସୁବିଧା ସୃଷ୍ଟି କରିପାରନ୍ତି।
ମୀନ: ଶନି ଦେବ ଆପଣଙ୍କ ରାଶିରେ ହିଁ ବକ୍ରୀ ହେଉଛନ୍ତି ଏବଂ ଆପଣଙ୍କ ସାଢ଼େସାତୀର ଦ୍ୱିତୀୟ ପର୍ଯ୍ୟାୟ ଚାଲିଛି। ମାନସିକ ଚିନ୍ତା, ଖର୍ଚ୍ଚ ବୃଦ୍ଧି ଏବଂ କାର୍ଯ୍ୟରେ ବାଧା ଉପୁଜିପାରେ।
କେଉଁ ରାଶି ଉପରେ ମିଶ୍ରିତ ପ୍ରଭାବ:
କନ୍ୟା: ବୈବାହିକ ଜୀବନ ଏବଂ ବ୍ୟାବସାୟିକ ସାଥୀଙ୍କ ସହ ସମ୍ପର୍କରେ ସାମାନ୍ୟ ତିକ୍ତତା ଆସିପାରେ। କିନ୍ତୁ କଠିନ ପରିଶ୍ରମର ଉଚିତ ଫଳ ମିଳିବ।
ଧନୁ : ପାରିବାରିକ ସୁଖ-ଶାନ୍ତିରେ ସାମାନ୍ୟ ବାଧା ଉପୁଜିପାରେ। ଭୂମି କିମ୍ବା ବାହନ କିଣିବା ସମୟରେ ସତର୍କତା ଅବଲମ୍ବନ କରନ୍ତୁ।
ମକର: ଆପଣଙ୍କ ସାହସ ଓ ପରାକ୍ରମ ବୃଦ୍ଧି ପାଇବ। ଭାଇଭଉଣୀଙ୍କ ସହ ମତଭେଦ ହୋଇପାରେ, ତେଣୁ ନିଜ ବାଣୀ ଉପରେ ନିୟନ୍ତ୍ରଣ ରଖନ୍ତୁ।
କୁମ୍ଭ : ସାଢ଼େସାତୀର ଶେଷ ପର୍ଯ୍ୟାୟ ଚାଲିଥିବାରୁ ଧୀରେ ଧୀରେ ମାନସିକ ଚିନ୍ତାରୁ ମୁକ୍ତି ମିଳିବ। ଆର୍ଥିକ ମାମଲାରେ ସତର୍କ ରୁହନ୍ତୁ ।
