ଭୁବନେଶ୍ବର ୩।୮: ବନ୍ୟା ପ୍ରକୋପ ହ୍ରାସ ପାଇଛି । ମହାନଦୀର ଉପର ମୁଣ୍ଡରେ କି ତଳ ମୁଣ୍ଡରେ ବର୍ଷା ନାହିଁ । ଆଜି ହୀରାକୁଦ ଜଳସ୍ତର ୬୨୦.୭୭ ଫୁଟ ରହିଛି । ଆସନ୍ତାକାଲି ସୁଦ୍ଧା ୬୧୮ ଫୁଟ ଓ ବୁଧବାର ସୁଦ୍ଧା ୬୧୫ ଫୁଟ ଜଳସ୍ତର ରଖାଯିବ । ୩ ଲକ୍ଷ ୩ ହଜାର କ୍ୟୁସେକ୍ ଜଳ ଛଡ଼ା ଯାଉଛି । ମୁଣ୍ଡଳିରେ ୫ ଲକ୍ଷ ୮୨ ହଜାର କ୍ୟୁସେକ୍ ଜଳ ପ୍ରବାହିତ ହେଉଛି । ଆହୁରି ଖସିବ ବୋଲି ଜଳ ସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଦିଲ୍ଲୀପ ରାଉତ କହିଛନ୍ତି ।
ଘାଇ ବନ୍ଦ କରିବା ଆମର ପ୍ରାଥମିକତା । ବ୍ରାହ୍ମଣୀ, ବୈତରଣୀରେ ମରାମତି ଆରମ୍ଭ ହୋଇଯାଇଛି ଗତକାଲି ଠାରୁ । ଆଜି ମଧ୍ୟ ଅନ୍ୟ ସ୍ଥାନରେ ବି ଚାଲିଛି । ରାଜ୍ୟରେ ବନ୍ୟା ସ୍ଥିତି ସୁଧୁରୁଛି । ୫ ତାରିଖ ପରେ ବର୍ଷା ଅଛି ବୋଲି କିଛି ଆନ୍ତର୍ଜାତୀୟ ମଡେଲ କହୁଛି । ବର୍ଷା ହେଲେ ଆମେ ପଦକ୍ଷେପ ନେବୁ । କିନ୍ତୁ IMD ଏଯାଏ କୌଣସି ପୂର୍ବାନୁମାନ କରିନାହିଁ ।
Also Read:- ଡେପୁଟି ୱାର୍ଡେନଙ୍କ ଇସ୍ତଫା ଦାବିରେ ରେଭେନ୍ସାରେ ଛାତ୍ର ଆନ୍ଦୋଳନ, ୨୪ ଘଣ୍ଟାରୁ ଅଧିକ ଅନଶନରେ ଶତାଧିକ ଛାତ୍ର
ଏଲନିନୋ ପାଇଁ ଆମକୁ ସତର୍କ ରହିବାକୁ ପଡିବ । ଯଦିଓ କମ୍ ବର୍ଷା ଆକଳନ କରାଯାଇଥିଲା କିନ୍ତୁ ଅଧିକ ବର୍ଷା ହେଲା । ଜୁନ୍ରେ କମ୍ ବର୍ଷା ହେଲା କିନ୍ତୁ ଜୁଲାଇରେ ୩୮ ପ୍ରତିଶତ ଅଧିକ ବର୍ଷା ହେଲା ଜଳବାୟୁ ପରିବର୍ତ୍ତନର ଏହା ପ୍ରତିଫଳନ କୁହାଯାଇପାରେ । ଅଗଷ୍ଟ ଆମ ପାଇଁ ବଡ଼ ଚାଲେଞ୍ଜ। କିନ୍ତୁ ଯାହା ଆଶା ଆଉ ବନ୍ୟା ନହୋଇ ପାରେ ବୋଲି ସର୍ବୋଚ୍ଚ ଯନ୍ତ୍ରୀ ଦିଲ୍ଲୀପ ରାଉତ କହିଛନ୍ତି ।
